لطافت

معنی

١ - عمدگی، خوبی۔ "اب اس درجے پر فائز کتاب کی خوبیوں اور لطافتوں کو اگر کوئی سمجھنا چاہے تو وہ ترجموں اور تفسیروں کے ذریعے نہیں سمجھ سکتا۔"      ( ١٩٩٣ء، اردو نامہ، لاہور، جولائی، ١٤ ) ٢ - نفاست، پاکیزگی۔  اف! کیسی ہے آدمی کی طینت کتنی سختی ہے کیا لطافت      ( ١٩٣٦ء، جگ بیتی، ٥٩ ) ٣ - نفاست، پاکیزگی، صفائی، شفافی، کثافت کی ضد۔ "لطافت اور نفاست تو میں نے صرف مسعود صاحب میں دیکھی۔"      ( ١٩٨٩ء، نذر مسعود، ٩٩ ) ٤ - نزاکت، نازکی، خوبصورتی۔ "عالی صاحب بنیادی طور پر شاعر ہیں اور اس وجہ سے ان کی طرز احساس میں شاعرانہ لطافت و نزاکت کو زیادہ دخل ہے۔"      ( ١٩٨٨ء، حرفے چند، ١٣ ) ٥ - رونق، جو بن، بہار۔  یہ سجاوٹ یہ لطافت یہ نزاکت یہ بہار دیکھنا خلوت محل ہے یا کوئی دلدار ہے      ( ١٩٢٨ء، سرتاج سخن، ٤٨ ) ٦ - تازگی، طراوت۔  معتدل فصل پہ غالب نہ برودت آئی باد فرودس میں اب جاکے لطافت آئی      ( ١٩٣١ء، محب، مراثی، ٢٥ ) ٧ - مزہ، لذت، حلاوت، حظ۔ "لے . ہماری بات کی لطافت کے پیالے کا اثر چڑیگا۔"      ( ١٦٣٥ء، سب رس، ٢٧٦ ) ٨ - (گفتگو کی) فصاحت، سلاست، روانی۔ "فارسی زبان اپنی لطافت اور شیرینی اور شعریت کی وجہ سے ترجمے میں چار چاند لگا دیتی ہے۔"      ( ١٩٨٥ء، ترجمہ: روایت اور فن، ٥٧ ) ١٠ - لطف، مہربانی، عنایت۔  سلطان نے کہا بصد لطافت یہ چار ہیں عنصر خلافت      ( ١٩٣٨ء، گلزار نسیم، ١٨ ) ١١ - باریکی، پتلا پن، مہین ہونا، رقت۔ (فرہنگ آصفیہ)۔ ١٢ - نکتہ، باریکی۔ (فرہنگ آصفیہ، نوراللغات)