مجذوب

معنی

١ - [ لفظا ]  کھینچا گیا، جذب کیا گیا؛ مراد: محبت الٰہی میں مدہوش، یادالٰہی میں غرق، صاحب جذب؛ (خدا کے عشق میں) مست و بے خبر، حواس گم کردہ، خدا کی یاد میں ایسا ڈوبا ہوا کہ اسے دنیا کی باتوں کا ہوش باقی نہیں رہے اسی لیے محض دنیا والوں کے نزدیک مخبوط الحواس، فضل و توفیق الٰہی کی جانب کھینچا ہوا۔ "وہی ایک شخص ہیرا تھا شاید سچا فقیر مجذوب۔"      ( ١٩٩٠ء، چاندنی بیگم، ١٣٥ ) ٢ - فقیروں کی ایک قسم یہ لوگ اکثر بے سرو یا باتیں کیا کرتے ہیں۔ "بعض مجذوب اپنی ترنگ میں خدا جانے کیا کیا کہہ جاتے ہیں۔"      ( ١٩٨٥ء، انشائیہ اردو میں ادب میں، ٣٣ ) ٣ - مجنوں، پاگل، دیوانہ، سٹری۔ "مگر ہم جانتے ہیں کہ آج مملکت پاکستان کو مجنونوں اور مجذبوں کی ضرورت نہیں ہے۔"      ( ١٩٨٠ء، مقالات (کل پاکستان اہل قلم کانفرس)، ٥٢ ) ٤ - جس کو کشش سے کھینچا جائے، کھینچا گیا، جذب کردہ۔ "آنکھوں کی خرابی کے لیے آنکھوں پر مجذوب دوا کا پلاسٹر چپکا دیا جائے۔"      ( ١٩٨٤ء، جنگ، کراچی، ٢ ستمبر، VII ) ٦ - دماغی صلاحیتوں سے ایک خاص درجۂ ادراک تک پہنچا ہو لیکن جس کی حقیقت کبریٰ تک رسائی نہ ہو۔  اگر ہوتا وہ مجذوب فرنگی اس زمانے میں تو اقبال اس کو سمجھاتا مقام کبریا کیا ہے      ( ١٩٣٥ء، بال جبریل، ٨٢ )