مخبر
معنی
١ - خبر دینے والا، اطلاع دینے والا۔ خوشبو دورِ خزاں کی مخبر رنگ ہے اک افتاد ( ١٩٧١ء، شیشے کے پیرہن، ٣٥ ) ٢ - جاسوس۔ "بیگم پہلے ہی جلی بھنی بیٹھی تھیں ان کے مخبر مطلع کر چکے تھے۔" ( ١٩٨٨ء، چار دیواری، ٤٩ ) ٣ - خفیہ نویس، رپورٹر۔ رند و رقاص و تاجرو فن کار مخبر و مجرم و جریدہ نگار ( ١٩٥٧ء، نبض دوراں، ٢٤٨ )
اشتقاق
عربی زبان میں ثلاثی مجرد کے باب سے مشتق اسم فاعل ہے۔ اردو بطور صفت استعمال ہوتا ہے اور تحریراً ١٧٣٢ء کو "کربل کتھا" میں مستعمل ملتا ہے۔
مثالیں
٢ - جاسوس۔ "بیگم پہلے ہی جلی بھنی بیٹھی تھیں ان کے مخبر مطلع کر چکے تھے۔" ( ١٩٨٨ء، چار دیواری، ٤٩ )