مدعی

معنی

١ - [ قانون ]  عدالت میں دعویٰ دائر کرنے والا، نالش کرنے والا، مستغیث، دادخواہ، فریادی۔ "عدالت سے باہر مدعی کو ذاتی طور پر کچھ رقم دے کر مقدمے کو خارج کر دیا"      ( ١٩٩٨ء، قومی زبان، کراچی، اپریل، ٢٨ ) ٢ - جھوٹا دعویٰ کرنے والا، جھوٹا دعوے دار۔  جس سے کہ ظہور ہو کرامت کا بقصد وہ شخص ہے مدعی یقین کر بخدا      ( ١٨٣٩ء، مکاشفات الاسرار، ٤٤۔ ) ٣ - کسی بات کا دعویٰ کرنے والا، دعوے دار، دعویٰ رکھنے والا۔ "زندگی کی تاریک رات کو انسانی کوشش کے چراغ سے روشن رکھنے کے مدعی ہیں"      ( ١٩٨٩ء، متوازی نقوش، ٨٩۔ ) ٤ - [ مجازا ]  دشمن، عدو، بدخواہ، مخالف۔ "اب اس کے یہ ساتھی اس کے ہمدم نہیں، اس کے مدعی تھے"      ( ١٩٨٩ء، مصروف عورت، ١٢۔ ) ٥ - رقیب، حریف۔  کیوں مدعی سے چارہ طلب داغ ہو گیا کیا جانے ایسے شخص کو یہ کس نے دی صلاح      ( ١٨٩٢ء، مہتاب داغ، ٦٧۔ )