مردار

معنی

١ - مردہ، مرا ہوا، بے جان؛ بے حس و حرکت۔ "میری ہستی صرف اس ظاہر کے بدن کا ہونا نہیں ہے . اس میں جان نہیں ہوتی جس کے بغیر وہ مردار ہوتا ہے۔"      ( ١٨٩٤ء، تعلیم الاخلاق، ٥ ) ٢ - کمزور، نحیف، لاغر "شاید مری موت قریب ہے جنگل سے کوئی شیر بھیڑیا نکل آئے گا مجھ مردار کو کھا جائے گا۔"      ( ١٨٩١ء، طلسم ہوشربا، ١٥٦:٥ ) ٣ - [ کنایۃ ]  بے وقعت، بے معنی، بے کار۔ "اسی سے یہ بھی سمجھ لو کہ کس طرح الفاظ محاورے سے گر کر مردار ہو جاتے ہیں۔"      ( ١٨٨٧ء، سخندان فارس، ٤١:٢ ) ٥ - [ مجازا ]  ناپک، حرام، غیر مباح، ناجائز۔  تجارات کو کھیتی کو دشوار سمجھیں فرنگی کے پیسے کو مردار سمجھیں      ( ١٨٧٩ء، مسدس حالی، ٤٧ ) ٦ - [ عور ]  نابکار، نالائق، جاہل، بدھو، ان پڑھ۔ "اس مردار کو اتنا پڑھا سمجھا دیا تھا، مگر جب بولی الٹی ہی بولی۔"      ( ١٨٩٦ء، شاہد رعنا، ٤٩ ) ٧ - [ مونث ]  کلمۂ تحقیر جو غصے اور ناراضی کی حالت میں عموماً عورت سے کہا جاتا ہے، فاحشہ، بدبخت، پلید و نیز مطلق کمبخت، ذلیل (دنیا کے لیے بھی مستعمل)۔ "لڑائی کی وجہ اس کی وہ مردار عیسائی منگیتر تھی جو جانے کہاں سے ٹپک پڑی تھی۔"      ( ١٩٧٨ء، فصل گل آئی یا اجل آئی، ١٤١ ) ١ - وہ جانور جو خود مر گیا ہو، مردہ جانور، (ذبیحہ کے مقابل)۔ "شاہین کی نظر ہمیشہ بلند ہوتی ہے، وہ بھوکا بھی ہو تو مردار پر نہیں جھکتا۔"      ( ١٩٨٨ء، سلیوٹ، ٣ ) ٢ - مری ہوئی چیز، نعش، لاش۔ (جامع اللغات)