مشخص
معنی
١ - [ قیمت وغیرہ ] تخمینہ کیا گیا، تعین کیا گیا، متعین، مقرر، اندازہ کیا گیا۔ "جوری کی مشخص کردہ قیمت ادا کرکے مدعی علیہ کو کوئی استحقاق نہیں ہے کہ شے رکھ لے۔" ( ١٩٣٣ء، جنایات بر جایداد، ١٦٣ ) ٢ - تجویز کیا گیا، منسوب، مخصوص۔ "حقیقت کو جو شے مشخص کرتی ہے وہ نہ زمان ہے اور نہ مکان بلکہ زمان و مکان کا ایک تسلسل (Space- time Cotinum) ہے۔" ( ١٩٩٤ء، نگار، کراچی، جولائی، ٣٧ ) ٣ - قابل تعین، متعین۔ "اگر اس نے یہ چیلنج قبول کر لیا تو اس کا آئندہ کلام ہمارے لیے نئی ادبی راہیں مشخص کرے گا۔" ( ١٩٩٠ء، جدیدیت کی تلاش میں، ١٧٤ ) ٤ - مخصوص، معروف۔ جہل اپنا چھپاتا ہے ہنسی میں لیکن ہو جاتا ہے اس سے بھی مشخص انسان ( ١٩٩١ء، ذہن و ضمیر، ١٦٩ )
اشتقاق
عربی زبان میں ثلاثی مجرد کے باب سے مشتق 'صفت' ہے اردو میں عربی سے من و عن داخل ہوا اور بطور صفت مستعمل ہے۔ ١٧٧٥ء کو "نوطرز مرصع" میں مستعمل ملتا ہے۔
مثالیں
١ - [ قیمت وغیرہ ] تخمینہ کیا گیا، تعین کیا گیا، متعین، مقرر، اندازہ کیا گیا۔ "جوری کی مشخص کردہ قیمت ادا کرکے مدعی علیہ کو کوئی استحقاق نہیں ہے کہ شے رکھ لے۔" ( ١٩٣٣ء، جنایات بر جایداد، ١٦٣ ) ٢ - تجویز کیا گیا، منسوب، مخصوص۔ "حقیقت کو جو شے مشخص کرتی ہے وہ نہ زمان ہے اور نہ مکان بلکہ زمان و مکان کا ایک تسلسل (Space- time Cotinum) ہے۔" ( ١٩٩٤ء، نگار، کراچی، جولائی، ٣٧ ) ٣ - قابل تعین، متعین۔ "اگر اس نے یہ چیلنج قبول کر لیا تو اس کا آئندہ کلام ہمارے لیے نئی ادبی راہیں مشخص کرے گا۔" ( ١٩٩٠ء، جدیدیت کی تلاش میں، ١٧٤ )