مقدس
معنی
١ - پاک، طاہر، مطہر (شے، جگہ یا مقام وغیرہ) "یہ مسجد بیت المقدس میں ہے اور بیت المقدس کا مقدس ترین حصہ ہے" ( ١٩٩٠ء، معراج اور سائنس ١٨ ) ٢ - فرشتہ خصلت، نیک سیرت، قدسی فطرت (انسان) پارسا۔ خرابات مغاں میں کام کیا ایسے مقدس کا جناب شیخ کیوں پیر مغاں بن ٹھن کے بیٹھے ہیں ( ١٩١١ء، دیوان ظہیر، ٨٣:٢ ) ٣ - [ مجازا ] بزرگ، گرامی، لائق احترام، ذی حیثیت، عالی مرتبت۔ "اس نے ماں کے پاؤں اٹھا کر اپنے سینے پر رکھ لیا، ماں تم عظیم ہو، مقدس ہو" ( ١٩٩٨ء، افکار، کراچی، اگست، ٥٦ ) ٤ - مادّی خصوصیات سے بالاتر، منزہ، میرا۔ "بالزاک کا دعویٰ تھا کہ وہ سماج کا جنرل سیکرٹری ہے اور وہ لکھنے کے فن کو مقدس سمجھتا ہے" ( ١٩٨٦ء، دنیا کی سو عظیم کتابیں، ٦٩١۔ )
اشتقاق
عربی زبان میں ثلاثی مجرد کے باب سے مشتق اسم صفت ہے، اردو میں اصل معنی و ساخت کے ساتھ بطور صفت استعمال ہوتا ہے۔ ١٧١٣ء کو "دیوانِ فائز دہلوی" یں مستعمل ملتا ہے۔
مثالیں
١ - پاک، طاہر، مطہر (شے، جگہ یا مقام وغیرہ) "یہ مسجد بیت المقدس میں ہے اور بیت المقدس کا مقدس ترین حصہ ہے" ( ١٩٩٠ء، معراج اور سائنس ١٨ ) ٣ - [ مجازا ] بزرگ، گرامی، لائق احترام، ذی حیثیت، عالی مرتبت۔ "اس نے ماں کے پاؤں اٹھا کر اپنے سینے پر رکھ لیا، ماں تم عظیم ہو، مقدس ہو" ( ١٩٩٨ء، افکار، کراچی، اگست، ٥٦ ) ٤ - مادّی خصوصیات سے بالاتر، منزہ، میرا۔ "بالزاک کا دعویٰ تھا کہ وہ سماج کا جنرل سیکرٹری ہے اور وہ لکھنے کے فن کو مقدس سمجھتا ہے" ( ١٩٨٦ء، دنیا کی سو عظیم کتابیں، ٦٩١۔ )