ٹکورا
معنی
١ - [ سنگ تراشی ] پتھر کی سطح کو خصوصاً سل بٹے اور چکی کے پاٹ کو کھردرا بنانے کا چونچ کی شکل کا ہتوڑا جس کی ضرب سے سل کی سطح پر چٹیں اور کھندانے پڑ جائیں، ٹکیا، سل رہا۔ (اصطلاحات پیشہ وراں) ٢ - نوبت کی آواز، صداے نقارہ، تاشے نقارے اور اسی قسم کے باجوں پر ٹوٹی (چھڑی) کی ہلکی ضرب جو دھیمی آواز نکالنے کو لگائی جائے۔ ہر ٹکورے پہ ہے پنکھے کی طرح دل ہلتا آج نوبت سی لگا کرنے یہ نوبت پنکھا ( ١٨٤٥ء، کلیات ظفر، ٣٦١:١ ) ٤ - چھوٹا کچا آم، کیری۔ "آموں کے درختوں میں ٹکورے اس کثرت سے آجاتے ہیں کہ بار سے ڈالیاں زمیں پر جھک پڑتی ہیں" ( ١٩٢٧ء، فکر یلیغ، ٩٩ ) ٥ - جھونکا، تھپیڑا۔ ادھر سے یادلیتی ہے ٹکورے اُدھر سے جھاڑ کھاتے ہیں جھکورے ( ١٧٦١ء، سامی (چمنستان شعراء، ٤١٩) )
اشتقاق
اصلاً ہندی زبان کا لفظ ہے اور بطور اسم مستعمل ہے اردو میں ہندی سے ماخوذ ہے اصلی حالت اور اصلی معنی میں ہی اردو رسم الخط میں بطور اسم مستعمل ہے ١٧٦١ء میں "سامی" کے ہاں مستعمل ملتا ہے۔
مثالیں
٤ - چھوٹا کچا آم، کیری۔ "آموں کے درختوں میں ٹکورے اس کثرت سے آجاتے ہیں کہ بار سے ڈالیاں زمیں پر جھک پڑتی ہیں" ( ١٩٢٧ء، فکر یلیغ، ٩٩ )