پارا

معنی

١ - ایک سیال دھات کا نام جو سفید وزنی اور بے قرار یا متحرک ہوتی ہے تنہا آنچ پر نہیں ٹھہرتی، سیماب۔  جب تجھ بن لگتا ہے تڑپنے جائے ہے نکلا ہاتھوں سے ہے جو گرہ سینے میں اس کو دل کہیے یا پارا ہے      ( ١٨١٠ء، میر، کلیات، ٣٠٧ ) ٢ - [ مجازا ]  پارے کے ذریعے گرمی ماپنے کا آلہ، تھرمامیٹر، حرارت پیما، تپش پیما۔ "پارا لگا کر ان کی حرارت کا اندازہ کیا جاتا ہے۔"      ( ١٩٢٥ء، اودھ پنچ، لکھنؤ، ١٠، ١٠:١٨ ) ١ - بھاری، وزنی۔ "تمہاری مگدر کی جوڑی تو پارا ہو رہی ہے مجھ سے نہیں اٹھ سکتی۔"      ( ١٩٦٠ء، مہذب اللغات، ٤٧٤:٢ ) ٢ - بیقرار، مضطرب، ایک جگہ نہ ٹھہرنے والا۔ (نوراللغات، 6:2)