پاٹنا

معنی

١ - (گڑھے یا نشیب وغیرہ کو) مٹی یا کوئی چیز ڈال کر بھرنا یا ہموار کرنا۔  بھر نہیں سکتا کبھی لالچ کا پیٹ دھنستا رہتا ہے گڑھا پاٹا ہوا      ( ١٩٣٨ء، سریلی بانسری، ٣٠ ) ٢ - (چھت) چھانا، ڈالنا۔ "اتنی دولت دیتے کہ گھروں میں چاندی کی چھتیں پاٹتے۔"      ( ١٨٩١ء، ایامٰی، ٩٢ ) ٣ - (کسی چیز کی) ریل پیل کر دینا، ڈھیر لگا دینا۔  طعنوں سے کان پاٹ دوں مانوں نہ ان کی روک تھام توبہ وہ مجھ سے بول جائیں تو مرا مومنہ ہے نام      ( ١٩٢٥ء، عالم خیال، ٣٥ ) ٤ - ڈھانکنا، افراط سے کوئی چیز ڈال دینا۔  اس ڈر سے لاغری میں اٹھایا چمن سے ہاتھ پھولوں سے پاٹ دے نہ کہیں باغباں مجھے      ( ١٨٥٨ء، امانت، دیوان، ٩٢ ) ٥ - پانی دینا، سینچنا، پٹانا۔ (فرہنگ آصفیہ، 363:1)۔ ٧ - نہال کرنا، مالا مال کرنا۔ (فرہنگ آصفیہ، 363)۔  اس کے دینے کی انتہا کیا ہے جس نے تاروں کو دے کے پاٹ دیا      ( ١٩٠٥ء، داغ (نور اللغات، ٦:٢) )