پشتو
معنی
١ - پٹھانوں کی زبان جو عموماً پاکستان کے سرحدی علاقے اور اس کے بالائی حصے نیز بلوچستان کے بعض علاقوں میں بولی جاتی ہے۔ شیخ بولے کہ میاں یہ تو بتاؤ ہم سے قوم کو اس دیس میں پشتو کی ضرورت کیا تھی ( ١٩٢١ء، اکبر، کلیات، ٢، ١٤٩:٣ ) ٢ - [ موسیقی، طبلہ ] امیر خسرو کی ایجاد کردہ ایک تال کا نام اس تال میں نقش و گل اور رباعی وغیرہ گاتے ہیں اس کا ٹھیکہ چھ حرف کا ہے دھن، دھگ، تہ، نا، نہ، کے (ماخوذ : معدن الموسیقی، 194) 'نمبر١٥ غزل، دھن بھیرویں تال پشتو۔" ( ١٩٠٨ء، عشق فیروزلقا، ٢٧ ) ٣ - ایک قسم کا رقص جو پشتو تال پر ناچا جاتا ہے۔ جھولے تھا فرحت کا ہنڈولہ ہنڈول پشتو ناچے تھا کمانچہ بال کھول ( ١٨٣٧ء، مثنوی بہاریہ، ١٠ )
اشتقاق
فارسی سے اردو میں داخل ہوا اور بطور اسم مستعمل ہے۔ سب سے پہلے ١٨٣٧ء کو 'مثنوی بہاریہ" میں مستعمل ملتا ہے۔
مثالیں
٢ - [ موسیقی، طبلہ ] امیر خسرو کی ایجاد کردہ ایک تال کا نام اس تال میں نقش و گل اور رباعی وغیرہ گاتے ہیں اس کا ٹھیکہ چھ حرف کا ہے دھن، دھگ، تہ، نا، نہ، کے (ماخوذ : معدن الموسیقی، 194) 'نمبر١٥ غزل، دھن بھیرویں تال پشتو۔" ( ١٩٠٨ء، عشق فیروزلقا، ٢٧ )