پورا

معنی

١ - کامل، منتہٰی، ماہر۔  کبھی بزم میں تھے کبھی رزم میں ہمیں ہیں جو پورے تھے ہر عزم میں      ( ١٩٣٢ء، بے نظیر شاہ، کلام، ٣٣٤ ) ٢ - تمام کا تمام، مکمل، مقررہ، سارے کا سارا۔  عالم کا یہ کل نظام پورا قدرت کا اسی کی ہے ظہوا      ( ١٩٢٨ء، تنظیم الحیات، ٢١٨ ) ٣ - ٹھیک، بلا کم و کاست۔ "ابھی فیروز کی عمر پورے سات برس کی بھی نہ ہونے پائی تھی کہ یتیم ہو گیا۔"      ( ١٨٩٤ء، اردو کی چوتھی کتاب، اسمٰعیل میرٹھی، ٢٩ ) ٤ - خاطر خواہ، جیسا چاہیے۔ "انہوں نے جس بنیادی قابلیت کا ثبوت دیا اس کا اب تک پورا اعتراف نہیں ہوا۔"      ( ١٩٣١ء، انگریزی عہد میں ہندوستان کے تمدن کی تاریخ، ١٥١ ) ٥ - لبالب، لبریز۔  اپنے حصے کی بچا لیتے ہیں دینے والے نہ بھرا ساقی کم ظرف نے ساغر پورا      ( ١٨٧٨ء، گلزارِ داغ، ٦٢ ) ٦ - تجربہ کار، پختہ کار، واقف کار۔  وہی انسان پورا ہے اسی کے ہم تو قائل ہیں بھلوں میں جو بھلا ٹھہرے، بروں میں جو برا ٹھہرے      ( ١٨٧٨ء، گلزارِ داغ، ٢٤١ ) ٧ - [ مجازا ]  ثابت قدم، پکا۔  وہ پورا دوستی میں ہوں کہ ہر دم میرے پانوں میں گرا وہ دشمن جانی اھوھو ھواھو ھو ھو      ( ١٨٤٥ء، کلیاتِ ظفر، ٢٠٢:١ ) ٨ - بھرپور، کاری۔  لگا اک وار پورا ہ جگہ غیرت کی او قاتل تری تلوار پر میرا دہانِ زخم خنداں ہے      ( ١٨١٦ء، دیوانِ ناسخ، ١١٧:١ ) ٩ - اصل، واجبی (دام اور قیمت کے لیے)۔ "میری جیسی ہزارہا جنس ناکارہ اس سرکار میں خریدی گئیں اور کیمیا ہو گئیں، دام پورے چھوڑ سوائے پائے۔"      ( ١٩١٥ء، سجاد حسین، کاسنات، ٤٠ ) ١٠ - مکمل، سالم، ادھورا کی ضد۔  خط لکھا مجھ کو تو اس میں نام بھی پورا نہ تھا کیا کہوں قسمت کا لکھا آج پورا ہو گیا      ( ١٨٥٤ء، ذوق، دیوان، ٨٢ ) ١١ - معمول کے مطابق۔ "نبض پوری اور سریع، آنکھیں، پتلیاں سکڑی ہوئی بعض اوقات دردِ سر، قشعریزہ اور صدمے بھی ہوا کرتے ہیں۔"      ( ١٩٨٢ء، میڈیکل جیورس پروڈنس، ٣٢٧ ) ١٢ - طاقت، برتا، مقدرت، بھروسا۔  کچھ نہ دینے کا بھی دیکھ لے اے آہ ٹھکانہ کس پورے پر لیتی ہے تو تاثیر دعا قرض      ( ١٨٥١ء، مومن، کلیات، ٧٣ )