پھیرا

معنی

١ - گشت، دورہ، (آمد و رفت کا) چکر۔  ہزار ہی طریقوں سے ہم انگریزوں کو گھیرے ہیں طواف ان کے گھروں کا ہے انھیں سڑکوں کے پھیرے ہیں    ( ١٩٢١ء، اکبر، گاندھی نامہ، ٤٠ ) ٢ - فقیروں کی پھیری (بھیک مانگنے کے لیے)، (مجازاً) نہایت مختصر مدت کا قیام۔  کبھی تھی اس طرف جھانکی کبھی تھا اس طرف پھیرا جو کوئی پوچھتا تھا کیوں میاں کیا حال ہے تیرا    ( ١٨٣٠ء، نظیر، کلیات، ٦٢:٢ ) ٣ - گزر، لوٹ کر آنے کا عمل۔  اے میری جوانی میں ہوا شیدا تیرا پھر ہو کہیں ایک بار پھیرا تیرا    ( ١٨٨٩ء، صغیر، میلاد معصومین، ٢ ) ٥ - لپیٹ، بل۔ "خاص مقام کسر پر تین چار پھیرے دیتے جائیں۔"      ( ١٩٤٧ء، جراحیات زہراوی، ٢١١ ) ٦ - طواف کے لیے لگایا ہوا چکر۔ "ان دونوں کے درمیان طواف کے پھیرے کرنے میں کچھ گناہ نہیں۔"      ( ١٨٩٥ء، ترجمۂ قرآن مجید، نذیر احمد، ٣٦ ) ٧ - [ ہندو ]  شادی کے موقع پر ایک دوسرے کا پلو باندھ کر آگ کے گرد چکر لگانے کا عمل۔ "جب کروڑی مل پھیروں کے واسطے آیا تو اول اِسے شطرنجی پر بٹھایا۔"      ( ١٨٦٨ء، رسومِ ہند، ١٥١ ) ١٠ - [ شکار ]  (شکار) شکار کی غرض سے جانوروں کو گھیر گھار کر لانا، ہانکا۔  ملا ہے آنکھ کا بوسہ پھرے جو گرد ان کے ہرن شکار کیا آج ہم نے پھیرے سے      ( ١٨٧٢ء، عاشق (نوراللغات)۔ ) ١١ - چونا ناپنے کا پیمانہ، لکڑی کا چوکھٹا جس سے چونا وغیرہ ناپتے ہیں۔ (جامع اللغات)