چوٹی

معنی

١ - عورتوں کے سر کے بال، گندھے ہوئے بال جو عورتوں کی گردن سے نیچے پیٹھ پر پڑے ہوتے ہیں، چٹیا۔  عفت اور میں جھولا جھولے باری باری خالہ بی کی چوٹی ہے کیا لمبی ساری      ( ١٩٨٥ء، پھول کھلے ہیں رنگ برنگے، ٣٣ ) ٢ - دھاگوں کا بنا ہوا وہ لچھا جو بال گوندھ کر آخر میں لگا کر گونتھتے ہیں، چٹلا۔ (ماخوذ: شبد ساگر) ٣ - [ ہندو ]  بالوں کی وہ لٹ جو سرمنڈاتے وقت ہندو چندیا پر چھوڑ دیتے ہیں۔  نہیں ہے بھائی پر مانند جی کے واسطے ممکن کہ رکھیں تاج سر پر اور ہو اس سر پہ چوٹی بھی      ( ١٩٣٦ء، چمنستان، ٥٢ ) ٤ - سرکے لمبے بال جو بعض مرد منڈ وانے کی بجائے دونوں شانوں پر چھوڑ دیتے ہیں، پٹھے۔ "مسلمانان چین . لمبی لمبی چوٹیاں رکھتے ہیں"      ( ١٨٩٧ء، دعوت اسلام، ٣٣٨ ) ٥ - وہ چند بال جو بچوں کے سر پر منت کے طور پر چھوڑ دیتے ہیں۔ "چوٹی: ان چند بالوں کو کہتے ہیں جو بچوں کے سر پر بطور نذر چھوڑ دیتے ہیں"      ( ١٩٦٥ء، کربل کتھا (حاشیہ)، ١٩٢ ) ٦ - پہاڑ یا کسی عمارت وغیرہ کا سب سے اونچا حصہ۔ "ایک منچلا مسافر. ایک اور پہاڑ کی اونچی چوٹی پر پہنچا"    ( ١٩٤٤ء، آدمی اور مشین، ١٢ ) ٧ - بلندی، سب سے اونچی جگہ: کلس، کنگرہ، قبہ۔ "جب طوطے نے پیٹ بھر کر کھالیا تو اڑ کر محل کی چوٹی پر جا بیٹھا اور رونے لگا"    ( ١٩٦٢ء، حکایات پنجاب، ٧٥:١ ) ٨ - سرورق، پیشانی، بالائی حصہ۔ "٩ جولائی سنہ رواں کا اودھ اخبار ہے چوٹی پر منشی جی آنجائی کی شبیہ نظر آئی"    ( ١٩٣٥ء، اودھ پنچ، لکھنؤ،٢٠، ٣:٢٨ ) ٩ - انتہا، حد۔ "ٹرانسمیٹر کی چوٹی کی طاقت . دو سو کلو واٹ تک ہوتی ہے"      ( ١٩٧٠ء، جدید طبیعیات، ١٠٧ ) ١٠ - وہ پر جو پرندوں کے سر پر ابھرے ہوتے ہیں، کلغی۔ "ایک عجیب طرح کا باز دیکھا . اس کا رنگ بالکل سفید خاکی تھا سر پر ایک چوٹی یعنی تاج۔"      ( ١٨٩٧ء، سیر پرند، ٨٥ ) ١١ - [ زر بافی ]  بادلے کا ریشمیں سر بند یعنی وہ ڈورا جس سے بادلے کے لچھے کا سر باندھا جاتا ہے۔ (اصطلاحات پیشہ وراں، 190:2) ١٢ - [ جوتا سازی ]  ہندوستانی جوتی کی اڈی کے اوپر کی نوک جس کو پکڑ کر تنگ جوتی پیر میں چڑھاتے ہیں۔ (اصطلاحات پیشہ وراں، 221:2) ١٣ - نوک، پھننگ، درخت، کا سب سے اونچا سرا۔ "پودے کی چوٹی کو تمام شاخوں سے اونچا کشادہ رکھنا زیادہ ضروری ہے"      ( ١٩٣٠ء، شفتالو، ٦١ ) ١٤ - (چوٹی کی سجاوٹ کا پھول اور لڑیاں) ایک زیور جو عورتیں سر پر پہنتی ہیں؛ وہ حصہ جس سے ترازو کو لٹکاتے ہیں۔ (جامع اللغات) ١٥ - کسی چیز کے اوپر کا سرا۔ "اسے پیندے سے لے کر چوٹی تک روئی، چمڑے اور گمانس پھونس میں لپیٹ کر اس پر ٹاٹ چڑھا دیا گیا۔"    ( ١٩٤٠ء، آغا شاعر، خمارستان، ١٩٢ ) ١٦ - سر "ہزاروں آدمیوں نے چوٹی سے ایڑی تک کا زور لگا کر اس لوہا لاٹھ کو اس چھکڑے پر چڑھا لیا"    ( ١٩٤٠ء، آغا شاعر، خمارستان، ١٩٣ ) ١٧ - [ عو ]  سردار، سر غنہ، استاد۔ (فرہنگ آصفیہ)