چھینٹ

معنی

١ - کسی رقیتں چیز کے گرنے کا نشان، بوند۔ "تارپین کے تیل کی چھینٹ آنکھ میں نہ پڑ جائے"      ( ١٩٦٧ء، لکڑی کا کام، ٥٥:٣ ) ٢ - داغ، دھبّا۔ "لباس کو رنگ کی چھینٹوں سے بچانے کے لیے اپیرن پہن لیں تو بہتر ہے"      ( ١٩٧٠ء، گھریلو انسائیکلوپیڈیا، ٤٩٩ ) ٣ - رنگ برنگ کے پھول بوٹوں کا خوش وضع اور خوش نما چھپا ہوا کپڑا۔ "وہ ہمیشہ چھینٹ کی شلوار اور ململ کا سیاہ کرتا پہنتی تھی"      ( ١٩٨١ء، راجہ گدھ، ١٨٩ ) ٤ - [ مدکی ]  ذراسی مدک جسے چلم قلیان میں آگ تلے رکھ کر دم لگاتے ہیں، مدک کا دم۔ "دوپیالے تاڑی اور دو چھینٹ مدک ضرور اڑائیں گے"      ( ١٩٠٤ء، عصر جدید، جنوری، ٢٧ ) ٥ - مشابہت، شباہت۔ "اس میں بھی عریاں نگارہی ہے مگر فحاشی کی چھینٹ تک نہیں"      ( ١٩٥١ء، چھان بین، ٢٩١ ) ٦ - بقایا، باقی؛ مہینے کے فالتو دن؛ ہاتھ سے بیج کو بکھیر کر بونے کا طریقہ، بکھیر۔ (جامع اللغات؛ اصطلاحات پیشہ وراں، 61:6)