کالا

معنی

١ - سیاہ رنگ کا سانپ، کوبرا، سانپ۔  تیرے نغمے پہ ترا چاہنے والا کھیلے جیسے بین کی آواز پہ کالا کھیلے      ( ١٩٤٠ء، کلیات بیخود، ١٢٦ ) ٢ - سیاہ رنگ کا ہرن، نرہرن۔ "پھر اس بے رحمی سے کیا حاصل کہ جو کالا سامنے آیا وہ مار دیا گیا۔"      ( ١٩٣٢ء، قطب یار جنگ، شکار، ١٣٢ ) ٣ - کالے رنگ کا سپاہی یا شخص (گورے انگریز کے مقابلے میں)۔ "کالا ہوں، میں نے اس کا فقرہ مکمل کر دیا۔"      ( ١٩٨٨ء، نشیب، ٦٠ ) ٤ - کالے رنگ کے کبوتر کی ایک قسم۔ "ہر قسم کے کبوتروں کے ڈھیروں پنجرے بھرے رہتے تھے . نثادرا ہر رنگ کا . کالا ہر رنگ کا . شیرازی گولے۔"      ( ١٩٦٥ء، ساقی، جولائی ) ١ - سیاہ، کوئلے یا کاجل کے رنگ کا، سیاہ فام، اسود۔ "ماجد کا فوٹو آیا . شاندار کالا سوٹ پہنے ٹائی لگائی لہریے دار بال جمائے۔"      ( ١٩٨٧ء، روز کا قصہ، ٣٠٠ ) ٢ - بے نور، تاریک، اندھیرا۔ "بارش نے رات کو اور بھی کالا کر دیا تھا۔"      ( ١٩٨٧ء، روز کا قصہ، ١٦١ ) ٣ - (قدیم) رسوا، ذلیل، بے عزت۔  ہوا کفر کالا اسی دم ستی کہ ماریا اہے دم انے ہم ستی      ( ١٦٠٩ء، قطب مشتری، ١٢ )