کامیاب

معنی

١ - جس کی مراد پوری ہو گئی ہو، جس کا مطلب پورا ہو گیا ہو۔ "زبان قند پارسی کی شیرنی سے کامیاب تھی۔"      ( ١٩٠٥ء، مضامین چکبست، ١٠٩ ) ٢ - جو مقصد و مراد کے مطابق ہو؛ خاطر خواہ۔ "ایسے مقامات پر جہاں کا ٹمپریچر نقطۂ اعتدال سے بیس ڈگری نیچے یعنی کم ہو جاتا ہو، آڑو کی کامیاب کاشت نہیں ہو سکتی۔"      ( ١٩٣٠ء، شفتالو، ١٩ ) ٣ - جو عام پسند اور نفع بخش ہو، مقبول عام۔  شکر خدا کہ وہ بتِ زہرہ جبیں مرا اک کامیاب فلم کا اسٹار ہو گیا      ( ١٩٤٢ء، سنگ و خشت، ٣٣ ) ٤ - (امحتان میں) پاس۔ "قسیم تیورس کے سال بی اے میں کامیاب ہو چکا تھا۔"      ( ١٩٠٨ء، صبح زندگی، ٢٣١ )