گلابی

معنی

١ - [ مذکر ]  گلاب کے پھول کا رنگ، ہلکا لال رنگ، ہلکی سرخی۔  گلابی گلابی وہ ہلکا سا رنگ نہیں آج گالوں یہ کل کے سارنگ      ( ١٩١٠ء، قاسم اور زہرہ، ٤٤ ) ٢ - [ مؤنث ]  شراب کا گلاس، شراب کا پیالہ، ساغر، جام۔ "اس لیے گلابیاں طاقوں پر چنی دھری رہتیں، جب بھی کوئی مہمان آتا تو بلاتکلف اس سے انہیں نوازا جاتا۔"      ( ١٩٥٧ء، نقد حرف، ٣٠١ ) ٣ - شراب نیز گلاب کی بوتل، صراحی۔  زمین تشنہ کام کی جماہیوں کے سامنے شراب لالہ رنگ کی گلابیاں لیے ہوئے      ( ١٩٣٣ء، سیف و سبو، ٨٧ ) ٤ - ایک قسم کی مٹھائی۔  میٹھی ہے جس کو برفی کہیے، گلابی کہیے یا حلقے دیکھ اس کے تازی جلیبی کہیے      ( ١٨٣٠ء، نظیر، کلیات، ١٦٥:٢ ) ٥ - ناشپاتی کی ایک قسم۔ "ہندوستان سے باہر جہاں جہاں کہیں یہ لفظ (امرود) بولا جاتا ہے اس سے "گلابی" یعنی "ناخ" "ناک" یا ناشپاتی مقصود ہوتی ہے۔"      ( ١٩٧٣ء، اردو نامہ، کراچی، ١٣:٤٤ ) ١ - گلاب کے رنگ کا، ہلکا سرخ، گلگوں نیز گہرا پیازی۔ "ایک روز وآپس آیا تو ہاتھ میں آلوچے کے گلابی شگوفوں سے لدی ہوئی بڑی سی ڈالی تھی۔"      ( ١٩٨٨ء، یادوں کے گلاب، ٤٦ ) ٢ - [ ]  گلاب میں بسا ہوا، گلاب آمیز، جیسے: گلابی پیڑا ہے قند کا، گلابی ریوڑی ہے کھانڈ کی۔ (فرہنگ آصفیہ)