گیان

معنی

١ - عقل، فہم، فراست، سمجھ، دانائی، زیر کی۔ "محض صداقت سے واقف ہونا چاہتے ہیں وہ گیان مارگ (راہ عقل) میں داخل ہوتے ہیں۔"      ( ١٩٤٥ء، تاریخ ہندی فلسفہ (ترجمہ)، ٦٣٢:١ ) ٢ - علم، واقفیت، دانش۔ "روح اور اس کا فلسفہ کیا تھا ان میں گیان اور علم اور جان کاری پیدا ہو جاتی ہے۔"      ( ١٩٨١ء، سفر در سفر، ٩٣ ) ٣ - تیقن، خیال پاکیزہ، یقین۔ "اس وقت پتہ نہیں کیوں میرے اندر ایک گہرا گیان پیدا ہوا۔"      ( ١٩٨١ء، راجہ گدھ، ١٥٣ ) ٤ - معرفت الٰہی، کشف یا معرفت، علم و عرفان۔ "ارے یہ درخت تو وہ آکاش ہے جس کے نیچے نیچے مہاتماؤں کوگیان حاصل ہوا۔"      ( ١٩٩٠ء، افکار، کراچی، اپریل، ٦١ ) ٥ - قوت، باطنی جیسے: اندری گیان، سرت گیان وغیرہ۔  جلوت کدہ مایا کا ہے یہ ہستی موہوم اگیان میں موجود ہے اور گیان میں معدوم      ( ١٩٢٥ء، مطلع انوار، ١٦٠ )