ایک شخص نے قسم کھائی کہ "آج اگر میں غسل جنابت کروں تو میری بیوی کو تین طلاق ہے" تھوڑی دیر کے بعد کہا "آج کی کوئی نماز قضا ہو تو میری زوجہ مطلقہ ہے" پھر کہا کہ "آج میں اپنی بیوی کے ساتھ صحبت نہ کروں تو اس کو طلاق ہے" لوگوں نے امام صاحبؒ کے پاس آ کر مسئلہ پوچھا۔ فرمایا کہ نماز عصر پڑھ کر بیوی سے ہم صحبت ہو اور غروب کے بعد غسل کر کے فوراً مغرب کی نماز پڑھ لے اس صورت میں سب صورتیں پوری ہو گئیں۔ بیوی سے ہم صحبت بھی ہوا نماز بھی قضا نہیں کی غسل جنابت بھی کیا تو اس وقت کیا کہ دن گزر چکا تھا۔