خاقانی

وہ صاحب تحفۃ العراقین
ارباب نظر کا قرۃالعین
ہے پردہ شگاف اس کا ادراک
پردے ہیں تمام چاک در چاک
خاموش ہے عالم معانی
کہتا نہیں حرف لن ترانی
پوچھ اس سے یہ خاک داں ہے کیا چیز
ہنگامہ این و آں ہے کیا چیز
وہ محرم عالم مکافات
اک بات میں کہہ گیا ہے سو بات
خود بوے چنیں جہاں تواں برد
کابلیس بماند و بوالبشر مرد
علامہ محمد اقبال
مارچ ۲۰۱۹
ضرب کلیم اردو زبان میں شاعری کی ایک کتاب ہے جو عظیم شاعر، فلسفی اور پاکستان کے قومی شاعر علامہ اقبال کی تصنیف ہے۔ یہ کتاب 1936ء میں ان کی وفات سے صرف دو سال قبل شائع ہوئی۔