میرے کُہستاں! تجھے چھوڑ کے جاؤں کہاں

میرے کہستاں تجھے چھوڑ کے جاؤں کہاں
تیری چٹانوں میں ہے میرے اب و جد کی خاک
روز ازل سے ہے تو منزل شاہین و چرغ
لالہ و گل سے تہی نغمہ بلبل سے پاک
تیرے خم و پیچ میں میری بہشت بریں
خاک تری عنبریں آب ترا تاب ناک
باز نہ ہوگا کبھی بندہ کبک و حمام
حفظ بدن کے لیے روح کو کردوں ہلاک
اے مرے فقر غیور فیصلہ تیرا ہے کیا
خلعت انگریز یا پیرہن چاک چاک
علامہ محمد اقبال
مارچ ۲۰۱۹
ضرب کلیم اردو زبان میں شاعری کی ایک کتاب ہے جو عظیم شاعر، فلسفی اور پاکستان کے قومی شاعر علامہ اقبال کی تصنیف ہے۔ یہ کتاب 1936ء میں ان کی وفات سے صرف دو سال قبل شائع ہوئی۔