کبھی نیکی بھی اُس کے جی میں، گر آ جائے ہے، مُجھ سے
زبسکہ مشقِ تماشا جنوں علامت ہے
لاغر اتنا ہوں کہ گر تو بزم میں جا دے مجھے
زبسکہ مشقِ تماشا جنوں علامت ہے
کشاد و بستِ مژہ، سیلیِ ندامت ہے
نہ جانوں، کیونکہ مٹے داغِ طعنِ بد عہدی
تجھے کہ [1] آئینہ بھی ورطۂ ملامت ہے
بہ پیچ و تابِ ہوس، سِلکِ عافیت مت توڑ
نگاہِ عجز سرِ رشتۂ سلامت ہے
وفا مقابل و دعوائے عشق بے بُنیاد
جنونِ ساختہ و فصلِ گُل، قیامت ہے!
اسد! بہارِ تماشائے گلستانِ حیات
وصالِ لالہ عذارانِ سرو قامت ہے
- طباطبائی کی رائے میں یہاں "کہ" کی بجائے "تو" ہونا چاہیے تھا ۔ (حامد علی خاں)