غلو ِعقیدت اور غلو ِمحبت سے احتراز لازم ہے!

دیکھئے ‘حضوراکرمﷺ فرما رہے ہیں کہ اللہ سبحانہ وتعالیٰ کے فضل واحسان اور اس کی رحمت کے بغیر میرا داخلہ بھی جنت میں نہیں ہو سکتا اور یہی ہمارے دین کی تعلیم ہے‘ جبکہ ہمارے ذہنوں میں انبیاء و رسل کی شانوں میں کس کس درجے کے مغالطے ہوتے ہیں. یہ غلو ِعقیدت اور غلو ِمحبت ہی تو ہے کہ جس نے حضرت عیسیٰ علیہ السلام کو خدا کا بیٹا بناڈالا.یہ کسی بدنیتی کا نتیجہ نہیں ہے‘بلکہ یہ محبت اور عقیدت کا غلو ہے.پھر اسی غلو نے حضرت علی رضی اللہ عنہ کو خدا کا اوتاربنواڈالا. اللہ تعالیٰ نے اس دین کو قیامت تک محفوظ رکھنا تھا‘لہٰذا یہ گستاخی حضورﷺ کی شان میں کسی نے نہیں کی کہ حضورﷺ کو اللہ کا اوتار قرار دیاہو. ویسے تو ایسے بے شمار اشعار ہیں جن میں حضوراکرمﷺ کی شان بیان کرتے ہوئے غلو سے کام لیا گیا ہے‘ مثلاً :٭ (۱) صحیح البخاری‘ کتاب المرضی‘ باب تمنی المریض الموت‘ح: ۵۶۷۳ . وصحیح مسلم‘ کتاب صفۃ القیامۃ والجنۃ والنار‘ باب لن یدخل احد الجنۃ بعملہ…‘ح:۲۸۱۸. 
٭ اسی طرح ایک شعر کچھ یوں ہے : ؎

’’عرب‘‘ کے لفظ سے اگر ’’ع‘‘ کو ہٹا دیا جائے تو باقی ’’رب‘‘ بچتا ہے . ہمارے نعت خواں حضرات تو حضورﷺ سے عشق و محبت کے اظہار میں اس حد تک چلے جاتے ہیں کہ (نعوذ باللہ) حضورﷺ کو ربّ کے برابر بٹھائے بغیر اپنے عشق ومحبت کو مکمل ہی نہیں سمجھتے. (مرتب) لیکن یہ صرف شاعری کا معاملہ ہے اور شعروں میں تو غلو ہوتا ہی ہے . اس سے توکوئی بڑے سے بڑا شاعر بھی بچا ہوا نہیں ہے. قرآن مجید میں اس ضمن میں فرمایا گیا: وَ الشُّعَرَآءُ یَتَّبِعُہُمُ الۡغَاوٗنَ ﴿۲۲۴﴾ؕاَلَمۡ تَرَ اَنَّہُمۡ فِیۡ کُلِّ وَادٍ یَّہِیۡمُوۡنَ ﴿۲۲۵﴾ۙوَ اَنَّہُمۡ یَقُوۡلُوۡنَ مَا لَا یَفۡعَلُوۡنَ ﴿۲۲۶﴾ۙ ’’اور شاعروں کی پیروی تو گمراہ لوگ کیا کرتے ہیں. کیاتم نے نہیں دیکھا کہ وہ ہر وادی میں سر گرداں رہتے ہیں‘ اور کہتے وہ ہیں جو کرتے نہیں!‘‘ 

حضوراکرمﷺ کو شعروں میں تو خدا کے برابر بٹھادیا گیا‘مگر بالفعل کسی نے حضور کو اللہ کا اوتار قرار نہیں دیا‘جبکہ حضرت علی رضی اللہ عنہ کو خدا ماننے والے پیدا ہوئے اورعبداللہ بن سبا پہلا شخص تھا جس نے یہ فتنہ کھڑا کیا تھا.جبکہ واقعہ یہ ہے کہ شام اورلبنان کے اندر ایسے لوگ آج بھی موجود ہیں جو علوی وغیرہ کہلاتے ہیں اور جن کا عقیدہ ہے کہ علی اللہ ہی کے اوتار کی حیثیت رکھتے ہیں. یہ میں صرف اس اعتبار سے بتا رہا ہوں کہ حضورﷺ کے مقابلے میں حضرت علیؓ کی کیا حیثیت ہے!بہرحال حضورﷺ کو اللہ نے محفوظ رکھا ‘اس لیے کہ سارے دین کا معاملہ آپ ﷺ کے ساتھ وابستہ ہے. ؎

حضرت علیؓ حضورﷺ کے صحابی ہیں‘ ان کی آپؐ نے تربیت فرمائی‘ تزکیہ فرمایا. حضرت علی رضی اللہ عنہ حضورﷺ کی گود میں پلے ہیں. تو یہ گستاخی حضرت علیؓ کے ساتھ کی گئی ہے‘ لیکن اللہ نے اپنے نبیﷺ کو اس سے بچایا ہے.